किन्डरवल्र्ड बोर्डिङ स्कुलमा कबड्डी प्रशिक्षण सुरु

धादिङ जेष्ठ ३१
धादिङको सदरमुकाम नीलकण्ठ नगरपालिका ३ धादिङबेसीमा रहेको किन्डर वल्र्ड चाइल्ड केयर बोर्डिङ स्कुलमा कबड्डी खेलको प्रशिक्षण सुरु भएको छ । विद्यार्थीहरुलाई पढाइसँगै खेलकुदमा पनि अगाडि बढाउने उद्देश्यले सुरु गरिएको प्रशिक्षणमा २८ जना विद्यार्थीहरुको सहभागिता रहेको छ । हप्ताको शुक्रबार सञ्चालन हुने कबड्डी प्रशिक्षणमा काठमाडौँका प्रशिक्षक रमेश कुवरले प्रशिक्षण दिनु हुने छ । कक्षा प्ले ग्रुपदेखि कक्षा ४ सम्म अध्ययन हुने किन्डर वल्र्ड स्कुलले विद्यार्थीहरुलाई लोप हुँदै गएको कबड्डी खेलको जगेर्ना गर्नुका साथै शारीरिक रुपमा पनि फुर्तिलो राख्न तथा अनुशासित बनाउनका लागि यो खेलको प्रशिक्षण सुरु गरिएको प्रधानाध्यापक सूर्य श्रेष्ठले बताउनु भयो ।