गंगाजमुना–५ फूलखर्कबाट विभिन्न पार्टी परित्याग गरी १ सय ३० जना माओवादी केन्द्रमा प्रवेश

धादिङ ०३ असोज
धादिङको गंगाजमुना गाउँपालिका–५ ढाँडखर्कमा विभिन्न पार्टी परित्याग गरी १ सय ३० जना नेता कार्यकर्ता नेकपा(माओवादी केन्द्र) मा प्रवेश गरेका छन् ।

गंगाजमुना गाउँपालिका–५ ढाँडखर्कमा शनिबार सेल कमिटी गठन, भेला तथा प्रशिक्षण कार्यक्रमको अवसर पारी राप्रपा बाट रामबहादर गुरुङको नेतृत्वमा नेपाली कांग्रेसबाट अनिल बानिया र तेज बहादुर गुरुङको नेतृत्वमा ढाँडखर्कबाट ८१ जना र मजुवाबाट नेकपा एमाले परित्याग गरी भिम बहादुर घलेको नेतृत्वमा २५ जना माओवादी केन्द्रमा प्रवेश गरेका हुन् ।

यस्तै त्यसैगरी फूलखर्कबाट १६ जना, गुम्दी र चिमिचोकबाट ८ जना गरी जम्मा १ सय ३० जना माओवादी केन्द्रमा प्रवेश गरेका हुन् । नव प्रवेशीहरुलाई माओवादी केन्द्र धादिङ जिल्ला समन्वय समिति संयोजक दल बहादुर बुर्लाकोटी(विजय) ले अबिर र खादा लगाएर स्वागत गर्नुभएको हो ।