अखिल क्रान्तिकारी गजुरीको अध्यक्षमा विश्व अधिकारी

धादिङ २० भाद्र
अखिल क्रान्तिकारी गजुरी गाउँपालिका स्तरीय कमिटीको अध्यक्षमा विश्व अधिकारी निर्वाचित हुनुभएको छ । शनिबार भएको गाउँपालिका स्तरीय प्रथम सम्मेलनले अधिकारीको अध्यक्षतामा ३५ सदस्यीय कमिटी निर्वाचित गरेको हो ।

जसको उपाध्यक्षमा अप्सरा सिलवाल, आकाश भण्डारी, अञ्जली ढुङ्गाना सचिवमा विष्णु पुकार श्रेष्ठ, सह–सचिवमा मन्दिरा अधिकारी, सुजन मगर, रञ्जित सुनार, रविन्द्र तामाङ र कोषाध्यक्षमा सृष्टि मगराती निर्वाचित हुनभएको हो ।

कार्यक्रममा अखिल क्रान्तिकारी धादिङका संयोजक उपेन्द्र जम्कट्टेल लगायत नेकपा(माओवादी केन्द्र)का स्थानीय नेताहरु र विद्यार्थीहरुको उपस्थिति रहेको थियो ।