अखिल क्रान्तिकारी थाक्रेको अध्यक्षमा जनक थापा

धादिङ १९ भाद्र
अखिल क्रान्तिकारी थाक्रे गाउँपालिका स्तरीय कमिटीको अध्यक्षमा जनक थापा निर्वाचित हुनुभएको छ । शनिबार भएको गाउँपालिका स्तरीय प्रथम सम्मेलनले थापाको अध्यक्षतामा ३५ सदस्यीय कमिटी निर्वाचित गरेको हो । जसको उपाध्यक्षमा जमुना पुरी, सचिवमा श्रीकृष्ण आचार्य, सह–सचिवमा सन्तोष सिं ठकुरी र कोषाध्यक्षमा पूजा तामाङ निर्वाचित हुनभएको हो ।

अखिल क्रान्तिकारी थाक्रे गाउँपालिका इन्चार्ज निर्देश अर्यालको अध्यक्षतामा भएको सम्मेलनमा नेकपा(माओवादी केन्द्र) धादिङका नेता दिपक लामिछानेको प्रमुख आतिथ्यता रहेको थियो भने माओवादी केन्द्र थाक्रेका अध्यक्ष यन्त्र बहादुर थापा, नेताहरु भरत कोइराला, पूजन थापा, अखिल क्रान्तिकारी धादिङका संयोजक उपेन्द्र जम्कट्टेल लगायतको आतिथ्यता रहेको थियो ।