५९ औं नेपाल रेडक्रस स्थापना दिवसको अवसरमा आयोजित खुल्ला रक्तदान कार्यक्रममा ५० जनाले गरे रक्तदान

धादिङ १९ भाद्र

५९ औं नेपाल रेडक्रस स्थापना दिवसको अवसरमा आयोजित खुल्ला रक्तदान कार्यक्रममा ५० जनाले रक्तदान गरेका छन् । शनिवार धादिङबेसी स्थित नेपाल रेडक्रस सोसाईटी जिल्ला शाखाको प्राङ्गणमा सम्पन्न भएको रक्तदान कार्यक्रममा स्वास्थ्य सुरक्षाका सम्पूर्ण मापदण्डहरुलाई पालना गरिएको थियो भने कार्यक्रममा ९ जना महिला र ४१ जना पुरुष गरी ५० जनाले रक्तदान गरेको नेपाल रेडक्रस सोसाइटी धादिङ जिल्ला शाखाका उपमन्त्री नारायण कुमार श्रेष्ठले जानकारी दिनुभयो ।
यस्तै, रेडक्रसको स्थापना दिवसको अवसरमा धादिङ अस्पतालमा रहेका २६ जना विरामीहरुलाई फलफूल वितरण र धादिङको कोभिड अस्पतालमा रहेका विरामीलाई सुप वितरण गरिएको छ । रगत अभावका कारण जिल्लामा कुनै विरामीहरुको अकालमै ज्यान नजाओस् भनी नेपाल रेडक्रस सोसाइटी धादिङ जिल्ला शाखाले रक्तदान कार्यक्रम गर्दै आइरहेको छ ।