धादिङमा आज २५ जनामा कोरोना संक्रमण पुष्टि : ५६ जना डिस्चार्ज

धादिङ २४ श्रावण
धादिङमा आज २५ जनामा कोरोना संक्रमण पुष्टि भएको छ । थपिएका संक्रमितहरुमा धुनिबेसिमा १, गजुरीमा १, त्रिपुरासुन्दरीमा ८, ज्वालामुखीमा ४ र सिद्धलेकमा ११ जना रहेको स्वास्थ्य कार्यालय धादिङले जानकारी दिएको छ । यस्तै आज ५६ जना डिस्चार्ज भएसँगै जिल्लाको सक्रिय संक्रमितको संख्या ३ सय ८६ पुगेको छ । हाल जिल्ला हस्पिटल आइसोलेसनमा १० र होम आइसोलेसनमा ३ सय ७६ जना रहेका छन् । निलकण्ठ नगरपालिकामा आज ३१ स्वाब संकलन भएको छ भने ९८ एनटीजेन परिक्षण मध्ये १४ पोजिटिभ आएको छ ।