धादिङको बेनिघाट रोराङ–२ ताल्तीमा बेबारिसे शव फेला

धादिङ ११ श्रावण
धादिङको बेनिघाट रोराङ गाउँपालिका वडा नम्बर २ खानीखोला ताल्तीमा बेवारिसे शब फेला परेको छ । सोमबार अन्दाजी ४० बर्षीय एक पुरुषको शब सडिसकेको अबस्थामा फेला परेको इलाका प्रहरी कार्यालय गजुरीले जानकारी दिएको छ । इलाका प्रहरी कार्यालय गजुरीका प्रहरी नयाब उपरीक्षक युबराज खड्काका अनुसार मृतकको हालसम्म पहिचान हुन सकेको छैन ।

शबको पोस्ट माटमको लागि गजुरी अस्पतालमा ल्याइएको र थप अनुसन्धान अगाडि बढाइएको खड्काले जानकारी दिनुभयो । यसअघि हिजो गजुरी गाउँपालिकाको किराञ्चोकमा पनि २० वर्षीय सम्झना रोक्काको शव फेला परेको थियो ।