धादिङको सुनौलाबजारमा कोरोना खोप लगाएका एक वृद्धको मृत्यु(के भन्छन् अस्पताल प्रमुख?)

धादिङ ०८ श्रावण
धादिङको नीलकण्ठ नगरपालिका वडा नं.–६ स्थित सुनौलाबजार स्वास्थ्य चौकीमा शुक्रबार कोरोना बिरुद्धको खोप लगाएका एक वृद्धको मृत्यु भएको छ । अमेरिकन कम्पनी जोनसन एण्ड जोनसनद्धारा उत्पादित एक मात्रा मात्र लगाए पुग्ने जानसेन खोप लगाएका ७८ वर्षीय नर बहादुर श्रेष्ठको खोप लगाएको अन्दाजी ३० मिनेटमा मृत्यु भएको आफन्तहरुको भनाई छ । यस विषयमा धादिङ अस्पतालका मेडिकल सुपरिटेन्डेन्ट डा. त्रिभुवन चन्द्र झासँग बुझ्दा प्राकृतिक मृत्यु वा कोरोना खोपको असर कुन हो पोष्ट मार्टम गरेर मात्र पत्ता लाग्ने बताउनु भयो ।

उनको शव पोस्ट मार्टमका लागि काठमाडौँ लगिएको छ । खोप केन्द्रमा उनी हिँडेरै पुगेका थिए । खोप लगाएर उनी आधा घण्टासम्म खोप केन्द्रमै बसेको र घर पुगेपछि १० मिनेटमा उनलाई चक्कर लागेको आफन्तले बताए । नीलकण्ठ नगरपालिकाले वडा नम्बर ६ स्थित सुनौला बजार स्वास्थ्य चौकीमा खोप कार्यक्रम सञ्चालन गरेको थियो ।

यस्तै खोप लगाएका वृद्धको निधन भएसँगै धादिङका विभिन्न खोप केन्द्रमा खोप लगाउन लाइनमा बसेका नागरिकहरु त्रसित भएका छन् । कतिपय लाइनबाटै खोप नलगाई फर्केको पत्यक्षदर्शीले बताएका छन् ।

सुनौ डा. झासँग गरिएको टेलिफोन संवाद