नीलकण्ठ–१३ धादिङका भरत गुरुङ चितवनमा मृत फेला

धादिङ ०७ श्रावण
चितवनको भरतपुर महानगरपालिका–१७, मानसिंह चोक नजिकै रहेको सिमडाँडा खेतको नहरमा धादिङका भरत गुरुङ मृत अवस्थामा फेला परेका छन् । जिल्ला प्रहरी कार्यालय चितवनका प्रवक्ता प्रहरी नायव उपरीक्षक सूर्य थापाले नीलकण्ठ नगरपालिका वडा नं. १३ निवासी ३६ वर्षीय भरत गुरुङको सब फेला परेको जानकारी दिनुभयो ।

नेपाली सेनाको महेन्द्र दल गण राष्ट्रिय निकुञ्ज शिवपुरी टोखामा कार्यरत गुरुङ केही दिन अघि जग्गा सम्बन्धी कारोबारका लागि चितवन गई शारदानगरमा आफन्तको घरमा बसेको प्रहरीले पुष्टि गरेको हो । मृतक गुरुङको एकापट्टि कान नजिकैबाट गोली हानी अर्को कानभन्दा थोरै माथिबाट निस्किएको देखिएको डिएस्पी थापाले बताउनु भयो ।

घटनास्थल नजिकै गोलकिो खोकार रगतसमेत देखिएकाले गोली हानी हत्या भएको हुनसक्ने प्रहरीको अनुमान छ । हाल मृतकको शव भरतपुर अस्पतालको शव गृहमा पोष्टमार्टमका लागि राखिएको प्रहरीले जनाएको छ ।