धादिङको गजुरीमा मोटरसाईकल दुर्घटना हुँदा एकको मृत्यु, एक घाईते

धादिङ,०४ श्रावण ।
धादिङको गजुरी स्थित बँछेटारमा मोटरसाईकल र मिटि ट्रक एकापसमा ठक्कर खाँदा एक जनाको मृत्यु भएको छ भने एक जना घाईते भएका छन् । सोमबार गजुरी बाट काठमाण्डौं जाँदै गरेको बा.५ ख ३०४८ नम्बरको ट्रक र काठमाण्डौ बाट गजुरी आउदै गरेको बागमती प्रदेश ०२–०२३ प ०५४ नम्बरको मोटरसाईकल एक आपसमा ठक्कर खाँदा दुर्घटना भएको हो ।
दुर्घटनामा परि मृत्युहुनेमा खनियावास गाउँपालिका वडा नम्बर ४ का अन्दाजी ३० वर्षका तारा बहादुर गुरुङ रहेको जिल्ला प्रहरी कार्यालय धादिङले जनाएको छ ।  मोटरसाईकल पछाडी सवार २१ वर्षीय मन्जु गुरुङ घाईते भएको र थप उपचारको लागि  काठमाण्डौं ट्रमा सेन्टर पठाईएको जनाईएको छ ।