३१ गते रामकोट सहकारीमा रक्तदान कार्यक्रम हुदैँ

धादिङ जेष्ठ २७
विश्व रक्तदाता दिवसको अवसरमा बृहत खुल्ला रक्तदान कार्यक्रम हुने भएको छ । रामकोट बचत तथा ऋण सहकारी संस्थाको आयोजना तथा साघुँटार टोल सुधार समितिको सह आयोजनामा हुन लागेको रक्तदान कार्यक्रममा नेपाल रेडक्रस सोसाइटी रक्त सञ्चार सेवा केन्द्र धादिङको प्राविधिक सहयोग रहने छ । सहकारी राष्ट्रको स्वाभिमान, नियमित बचतमा रामकोटको अभियान भन्ने नाराका साथ हुन लागेको रक्तदान कार्यक्रम यही जेष्ठ ३१ गते बिहान ७ बजेदेखि १२ बजेसम्म संस्थाको भवन नीलकण्ठ ८ साँघुटार, धादिङमा हुनेछ । दिनप्रतिदिन बढ्दै गएको रगतको मागलाई पुरा गर्न नेपाल रेडक्रस सोसाइटी रक्त सञ्चार सेवा केन्द्र धादिङ अभियानकै रुपमा रगत सङ्कलन गर्दै आएको रेडक्रस धादिङका जिल्ला सदस्य नारायण कुमार श्रेष्ठले बताउनु भयो ।