जनकल्याण बचत तथा ऋण सहकारीको रक्तदान कार्यक्रममा १ सय १० जनाले गरे रक्तदान

धादिङ २९ आषाढ
जनकल्याण बचत तथा ऋण सहकारी संस्था मलेखुको आयोजनामा भएको रक्तदान कार्यक्रममा १ सय १० जनाले रक्तदान गरेका छन् । २६ औँ संस्था स्थापना दिवसको अवसर पारी आयोजित रक्तदान कार्यक्रममा ७८ जना पुरुष र ३२ जना महिलाले रक्तदान गरेको रेडक्रस धादिङका उपमन्त्री नारायण कुमार श्रेष्ठले जानकारी दिनुभयो ।

खुल्ला रक्तदान कार्यक्रममा नेपाल रेडक्रस सोसाइटी रक्त सञ्चार सेवा केन्द्र धादिङको प्राबिधिक सहयोग रहेको थियो ।