महादेववेसीमा सवारी दुर्घटना हुँदा १ बालकको ज्यान गयो/२ जना गम्भीर घाइते

धादिङ २९ आषाढ
धादिङको थाक्रे गाउँपालिका वडा नम्बर ६ महादेवबेशीमा सवारी दुर्घटना हुँदा एक बालकको ज्यान गएको छ । नौबिसेदेखि मलेखुतर्फ जाँदै गरेको ना ४ ख ९४४ नम्बरको ट्रकले बा ७३ प २१७६ नम्बरको मोटर साइकललाई ठक्कर दिँदा मोटरसाइकलमा सवार एक बालकको घटनास्थलमै मृत्यु भएको हो । दुर्घटनामा परी २ जना गम्भीर घाईते भएका छन् । घाईतेहरुको थप उपचारको लागि काठमाडौँ पठाईएको इलाका प्रहरी कार्यालय खानिखोलाले जानकारी दिएको छ । दुर्घटना गराउने ट्रकलाई सिम्ले नजिकैबाट प्रहरीले नियन्त्रणमा लिएको छ ।