धादिङबेसीमा जारी मेयर कप भलिबलको उपाधी धादिङ बोर्डिङले चुम्यो

धादिङ जेष्ठ २५
धादिङबेसी यही जेष्ठ २३ गतेबाट जारी प्रथम नीलकण्ठ नगरपालिका मेयर कप अन्तरगत छात्र भलिबलको उपाथी धादिङबेसीस्थित धादिङ बोर्डिङ स्कुलले चुमेको छ । फाइनल खेलमा पशुपति माध्यमिक विद्यालय नीलकण्ठ १२ सँग खेलेको धादिङ बोर्डिङले ५ सेटमा लगातार ३ सेट जित हात पारेको हो । नीलकण्ठ नगरपालिकाको आयोजनामा भएको खेलमा प्रथम स्थान हासिल गरेको धादिङ बोर्डिङले नगद ४० हजार पुरस्कार मेडल, ट्रफि र प्रमाणपत्र प्राप्त गरेको छ । यस्तै द्धितीय भएको पशुपति माध्यमिक विद्यालयले ३० हजार नगद प्रमाणपत्र मेडल र ट्रफि हात पारेको छ ।

छात्रातर्फको भलिबलमा पनि धादिङ बोर्डिङ सान्तोना बनेको छ । नियमित पठन पाठन मात्र नभएर खेल तथा अतिरिक्त कृयाकलापमा पनि धादिङ बोर्डिङ अग्र स्थानमा रहेको कुरा यो जितले सावित गरिदिएको गणेश हिमाल क्याम्पसका क्याम्पस प्रमुख ईश्वरी पाण्डेले बताउनु भयो । यो जितले खेलाडी विद्यार्थीहरुमा र विद्यालयलाई नयाँ ऊर्जा प्रदान गरेकाले अझै अतिरिक्त कृयाकलाप र खेलकुदलाई व्यवस्थित र नयाँ ढङ्गले विकास गर्दै लाने समेत पाण्डेले बताउनु भयो । प्रतियोगितामा कक्षा ११÷१२ मा अध्ययनरत विद्यार्थीहरुको सहभागिता रहेको थियो ।