धादिङमा ११४ जना संक्रमणमुक्त हुदा १८ जना थपिए

धादिङ,११ असार ।
धादिङमा पछिल्लो २४ घण्टामा १ सय १४ जना कोरोना संक्रमणमुक्त हुदा १८ जना संक्रमित थपिएका छन् । थपिएका संक्रमितहरुमा गंगाजमुनाका ७, नेत्रावती डवजोङका ४, धादिङ अस्पतालमा स्वाब संकलन गरेका ३, रुवीभ्यालीका २ जना, थाक्रे र ज्वालामुखीका १÷१ जना गरी जिल्ला भित्र १८ जना रहेको स्वास्थ्य कार्यालय धादिङले जनाएको छ । हालसम्म जिल्लाभर कोरोना संक्रमित हुनेको संख्या भने ६ हजार ६ सय ३२ पुगेको छ ।
यस्तै हालसम संक्रमणमुक्त हुनेको सङ्ख्या ५ हजार १ सय ९२ पुगेको छ भने सक्रिय केशको संख्या ७ सय ६२ रहेको छ । संक्रमित मध्ये ६८१ जना जिल्ला भित्र र ८१ जना जिल्ला बाहिरका विभिन्न आईशोलसनमा रहेका छन् । संक्रमण बाट अहिले सम्म जिल्लामा ७२ जनाको मृत्यु भैसकेको छ ।