पिपल भञ्ज्याङ् मावि ताल्तीमा हाजिरीजवाफ प्रतियोगिता सम्पन्न

जीवन रोक्का
धादिङ जेष्ठ २४
पिपल भञ्ज्याङ् माध्यमिक विद्यालय वेनिघाठ रोराङ गाउँ पालिका २ ताल्तीमा शुक्रबार आधारभूत विद्यालय स्तरीय हाजिरीजवाफ प्रतियोगिता सम्पन्न भएको छ । विश्व वातावरण दिवसको अवसर पारेर गर्ने भनिएको कार्यक्रम मुस्लिम धर्मावलम्बीहरुको महान चाड इदुल फित्र परेको कारण शुक्रबार गरिएको हो । बेनिघाट रोराङ गाउँ पालिका वडा नं. २ को समन्वय तथा प्रयास नेपाल धादिङको सहयोगमा ’उज्यालो युवा समाज धादिङ’ ले आयोजना गरेको कार्यक्रमको सभापति उज्यालो युवा समाजका अध्यक्ष मिना तामाङ, प्रमुख अतिथिमा बेनिघाट रोराङ गाउँ पालिका वडा नं. २ का वडा अध्यक्ष तथा विदालय व्यवस्थापन समितिका अध्यक्ष टंक बहादुर थापा, विशेष अतिथिको रूपमा प्रयास नेपाल धादिङका सामाजिक परिचालक प्रदिप रेग्मी र अतिथिको रुपमा पिपल भञ्ज्याङ् माध्यमिक विद्यालयका प्रधानाध्यापक नानीबाबु लोहनी रहनु भएको थियो ।

६ वटा आधारभूत बिधालयहरुको सहभागीता रहेको कार्यक्रममा प्रथम पिपल भञ्ज्याङ माध्यमिक विद्यालय, द्धितीय गौरी शङ्कर आधारभूत विद्यालय, तृतीय रावल डाँडा आधारभूत विद्यालय र सान्त्वना चण्डिदेवी आधारभूत विद्यालय भएका छन् । विजयी विद्यार्थीहरुलाई शैक्षिक सामग्रीद्धारा पुरस्कृत गरिएको हो ।