धादिङमा बुधबार २३ जना संक्रमित थपिदा ६६ संक्रमणमुक्त

धादिङ,०९ असार ।
धादिङमा पछिल्लो २४ घण्टामा २३ जना कोरोना संक्रमित थपिएका छन् । थपिएका संक्रमितहरुमा थाक्रेका ८, रुवीभ्यालिका ४, गंगाजमुनाका ३, धुनिबेशीका २, बेनिघाट रोराङका २, त्रिपुरासुन्दरीका २, गल्छीका १, सिद्धलेकका १ जना रहेको स्वास्थ्य कार्यालय धादिङले जनाएको छ । संक्रमित मध्ये ७५९ जना जिल्ला भित्र र ६९ जना जिल्ला बाहिरका विभिन्न आईशोलसनमा रहेका छन् ।

हालसम्म जिल्लाभर कोरोना संक्रमित हुनेको सङ्ख्या भने ६ हजार ५४० पुगेको छ । बुधबार जिल्लाभर थप ६६ जना संक्रमित डिस्चार्ज भएसँगै हालसम संक्रमणमुक्त हुनेको सङ्ख्या ५ हजार ५६ पुगेको छ । त्यस्तै जिल्लामा सक्रिय केशको संख्या ८ सय २८ रहेको छ । संक्रमण बाट जिल्लामा हालसम्म ७२ जनाको मृत्यु भएको छ।