गुण्डा नाइके राधे भण्डारीलाई धादिङ प्रहरीद्धारा पक्राउ

धादिङ जेष्ठ २३
प्रहरीको सर्बाधिक खोजी सुचीमा रहेका गुण्डा नाइके राधाकृष्ण भण्डारी ‘राधे’ लाई धादिङ प्रहरीले पक्राउ गरेको छ । धादिङको मलेखुबाट पक्राउ परेका भण्डारीको साथबाट प्रहरीले हतियार समेत बरामद गरेको छ । मलेखुबाट ताल्ती जाने बाटोमा हतियार सहित झगडा गरिरहेको सूचनाको आधारमा प्रहरीले पक्राउ गरेको हो । प्रहरीलाई देखेपछि भण्डारीको समुहले प्रहरीमाथि प्रहारको कोशिष गरेको र प्रहरीको गाडीको सिसा समेत फुटाएको पाइएको छ । नेपाली कांग्रेस निकट युवा संगठन तरुण दलको जिल्ला उपाध्यक्ष समेत रहेका भण्डारी विगत लामो समयदेखि गुण्डागर्दीमा सङ्लग्न भएका कारण प्रहरीको खोजी सूचिमा समेत थिए । आज दिउसो पत्रकार सम्मेलन गर्ने भनिएता पनि प्रहरीले पत्रकार सम्मेलन गर्न सकेको छैन ।