धादिङमा शुक्रबार थप १ सय २८ जना कोरोना संक्रमित थपिए

धादिङ,०४ असार ।

धादिङमा पछिल्लो २४ घण्टामा १ सय २८ जना कोरोना संक्रमित थपिएका छन् । थपिएका संक्रमितहरुमा धादिङ अस्पतालमा ७७, गंगाजमुनाका १४, त्रिपुरासुन्दरीका १३, गल्छीका ५, धुनीबेशीका ४ जना रहेको स्वास्थ्य कार्यालय धादिङले जनाएको छ । त्यस्तै ज्वालामुखीका ३, गजुरीका ३, निलकण्ठका २, बेनिघाट रोराङ÷रुवीभ्याली÷नेत्रावती डवजोङ÷थाक्रे र खनियाबास गाउँपालिकाका १÷१ जना गरी आज जिल्ला भित्र १ सय १४ जना र जिल्ला बाहिरको पोजिटिभको संख्या १४ रहेको छ ।

यो सहित जिल्लामा सक्रिय केशको संख्या ९ सय १२ पुगेको छ । संक्रमित मध्ये ८ सय २० जना जिल्ला भित्र र ९२ जना जिल्ला बाहिरका विभिन्न आईशोलसनमा रहेका छन् । हालसम्म जिल्लाभर कोरोना संक्रमित हुनेको सङ्ख्या भने ५ हजार ४ सय ४० पुगेको छ । शुक्रबार थप जिल्लाका १०४ जना कोरोना संक्रमित निको भएसँगै जिल्लामा संक्रमणमुक्त हुनेको सङ्ख्या ९ सय १२ पुगेको छ ।