धादिङमा बिहिबार १ सय २० जना कोरोना संक्रमणमुक्त हुँदा ४६ जना थपिए

धादिङ,०३ असार ।
धादिङमा केहि समयदेखि कोरोना संक्रमिको संख्यामा कमि हुँदै आएको छ । पछिल्लो २४ घण्टामा ४६ जना कोरोना संक्रमित थपिएका छन् । बिहिबार थपिएका संक्रमितहरुमा निलकण्ठका २७, गजुरीका २, धुनिबेशीका १, गल्छीका ५, बेनिघाटका ३, ज्वालामुखीका १, त्रिपुरासुन्दरीका १, गंगाजमुनाका २, सिद्धलेकका १ र रुवीभ्यालीका ३ जना रहेका स्वास्थ्य कार्यालय धादिङले जनाएको छ ।
आज १ सय २० जना कोरोना संक्रमित संक्रमणमुक्त भएका छन् । यो सहित जिल्लामा संक्रमणमुक्त हुनेको संख्या ४ हजार ७ सय ३५ पुगेको छ । यो सहित जिल्लामा सक्रिय केशको संख्या ८ सय ८८ रहेको छ । संक्रमित मध्ये ८०३ जना जिल्ला भित्र र ८५ जना जिल्ला बाहिरका विभिन्न आईशोलसनमा रहेका छन् । हालसम्म जिल्लाभर कोरोना संक्रमित हुनेको सङ्ख्या भने ५ हजार ४ सय १५ पुगेको छ ।