पूर्व मन्त्री धमलाको पहलमा धादिङमा स्वास्थ्य सामग्री सहयोग

धादिङ ०१, आषाढ
धादिङका एम्बुलेन्स चालकहरुको लागि पूर्व विज्ञान तथा प्रविधि मन्त्री तथा ने.क.पा.(माओवादी केन्द्र) की केन्द्रीय सदस्य एवं स्वास्थ्य विभाग प्रमुख कल्पना धमलाले स्वास्थ्य सामग्री सहयोग गर्नुभएको छ । मंगलबार नेकपा माओवादी केन्द्र धादिङका अध्यक्ष बिजय वुर्लाकोटीले संयुक्त एम्बुलेन्स चालक समाज धादिङका अध्यक्ष भेषराज ठकुरीलाई उक्त सहयोग सामग्री हस्तान्तरण गर्नुभएको हो ।

कोभिडको समयमा अग्रपंतिमा खटिएर काम गर्ने एम्बुलेन्स चालकहरुको निम्ति पिपिई सेट अत्यन्तै आवश्यक पर्ने भएकाले सहयोगका लागि संयुक्त एम्बुलेन्स चालक समाज धादिङका अध्यक्ष भेषराज ठकुरीले धन्यवाद दिनुभएको छ ।

सहयोग गरिएको सामाग्रीहरुमा ७१ वटा पिपिई सेट, ६ हजार सर्जिकल मास्क रहेको छ । त्यस्तै धुवाकोटको ३ वटा स्वास्थ्य चौकीमा ५ वटा अक्सिजन सहितको सिलिन्डर र प्रकाश माध्यमिक विद्यालय नीलकण्ठ–१, पात्लेलाई ४ वटा अक्सिमिटर, सेमजोङ, खाल्टे र धुवाँकोट सहित ५ ओटा स्वास्थ्य चौकी लाई पिपिई सेट, सर्जिकल मास्क सहितको स्वास्थ्य सामग्री सहयोग गरिएको हो ।