धादिङमा आईतबार थप ७२ जना कोरोना संक्रमित थपिए, ९३ जना संक्रमणमुक्त

धादिङ,३० जेठ
धादिङमा पछिल्लो २४ घण्टामा ७२ जना कोरोना संक्रमित थपिएका छन् । थपिएका संक्रमितहरुमा ज्वालामुखी गाउँपालिकाका २१, सिद्धलेक गाउँपालिकाका १८, धादिङ अस्पतालमा स्वाव संकलन गराएकाहरु मध्येबाट १२, गल्छी गाउँपालिकाका १, त्रिपुरासुन्दरी गाउँपालिकाका ५, गंगाजमुना गाउँपालिकाका ११, नेत्रावती डबजोङ गाउँपालिकाका १ र रुबिभ्याली गाउँपालिकाका ३ जना रहेको स्वास्थ्य कार्यालय धादिङले जनाएको छ ।

यो सहित जिल्लामा सक्रिय संक्रमितको संख्या १ हजार ५० रहेको छ । संक्रमितमध्ये ९ सय ९ जना जिल्ला भित्र र १ सय ४१ जना जिल्ला बाहिरका विभिन्न आईशोलसनमा रहेका छन् । हालसम्म जिल्लाभर कोरोना संक्रमित हुनेको सङ्ख्या भने ५ हजार १ सय ७२ पुगेको छ ।

आईतबार थप ९३ जना कोरोना संक्रमित निको भएसँगै जिल्लामा संक्रमणमुक्त हुनेको सङ्ख्या ४ हजार ३ सय ७४ पुगेको छ । यस्तै संक्रमण बाट मृत्यु हुनेको संख्या भने ६३ पुगेको छ ।