धादिङमा शनिबार ७० जना कोरोना संक्रमण मुक्त, ४९ जना थपिए, एकको मृत्यु 

धादिङ,२९ जेठ ।

धादिङमा पछिल्लो २४ घण्टामा थप ७० जना कोरोना संक्रमित संक्रमण मुक्त भएका छन् । यो सहित जिल्लामा संक्रमणमुक्त हुनेको सङ्ख्या ४ हजार ३ सय १६ सय पुगेको छ । यस्तै शनिबार थप ४९ जना कोरोना संक्रमित थपिएका छन् । थपिएका संक्रमितहरुमा बेनिघाटका ३३, त्रिपुरासुन्दरीका ९ र गंगाजमुनाका ७ जना रहेको स्वास्थ्य कार्यालय धादिङले जनाएको छ ।

यो सहित जिल्लामा सक्रिय केशको संख्या १ हजार ७१ पुगेको छ । संक्रमित मध्ये ९ सय १७ जना जिल्ला भित्र र १ सय ५४ जना जिल्ला बाहिरका विभिन्न आईशोलसनमा रहेका छन् । हालसम्म जिल्लाभर कोरोना संक्रमित हुनेको सङ्ख्या भने ५ हजार १ सय २१ पुगेको छ । शनिबार धुनिबेशी नगरपालिकाका ५४ वर्षीय पुरुषको कोरोना संक्रमण बाट मृत्यु भएसंगै जिल्लामा संक्रमण बाट मृत्यु हुनेको संख्या ६३ पुगेको छ ।