धादिङमा शुक्रबार २ सय ६० जना कोरोना मुक्त, ९८ जना थपिए, दुईको मृत्यु

धादिङ,२७ जेठ ।
धादिङमा पछिल्लो २४ घण्टामा थप २ सय ६० जना कोरोना संक्रमित संक्रमण मुक्त भएका छन् । यो सहित जिल्लामा संक्रमणमुक्त हुनेको सङ्ख्या ४ हजार ३ सय पुगेको छ । यस्तै शुक्रबार थप ९८ जना कोरोना संक्रमित थपिएका छन् । थपिएका संक्रमितहरुमा नीलकण्ठका ३१, धुनिबेशीका ४, गल्छीका १, गजुरीका १, ज्वालमुखीका १, त्रिपुरासुन्दरीका १ जना रहेका छन् । त्यस्तै गंगाजमुनाको २, सिद्धलेकका ४, रुवीभ्यालीका ५ र थाक्रेका १० जना रहेको स्वास्थ्य कार्यालय धादिङले जनाएको छ ।

यो सहित जिल्लामा सक्रिय केशको संख्या १ हजार ९४ पुगेको छ । संक्रमित मध्ये ९ सय ४० जना जिल्ला भित्र र १ सय ५४ जना जिल्ला बाहिरका विभिन्न आईशोलसनमा रहेका छन् । योसँगै हालसम्म जिल्लाभर कोरोना संक्रमित हुनेको सङ्ख्या भने ५ हजार ८१ पुगेको छ । यस्तै आज नै कोरोना संक्रमण बाट रुवीभ्यालीका ५७ वर्षीय पुरुष र बेनिघाट रोराङकी २६ वर्षीय महिलाको मृत्यु भएको छ । यो सँगै जिल्लामा संक्रमण बाट ६२ जनाको मृत्यु भएको छ ।