धादिङको गजुरीमा टिपर र कार ठोक्किदा एक जनाको मृत्यु एक घाइते

धादिङ, २७ जेठ
धादिङको पृथ्वीराजमार्ग अन्तर्गत गजुरी गाउँपालिका वडा नम्बर ६ स्थित जहरेखेतमा ट्रिपर र कार ठोकिदा एक जनाको मृत्यु र एक जना घाइते भएका छन् । बिहिवार गजुरीबाट काठमाडौँतर्फ जादै गरेको बा ४ च २७९ नम्बरको कार र बिपरित दिशाबाट आउदै गरेको बा ३ ख ७३९३ नम्बरको ट्रिपर एकआपसमा ठक्कर खादा दुर्घटना भएको इलाका प्रहरी कार्यालय गजुरीका प्रहरी नायब उपरीक्षक युबराज खड्काले जानकारी दिनु भयो ।

दुर्घटनामा परि मृत्यु हुनेमा कार चालक दोलखा मेलुङ गाउँपालिका वडा नम्बर १० का प्रकाश अधिकारी रहेका छन् भने कारमा सवार तनहुँको सुक्लागण्डकी नगरपालिका वडा नम्बर ८ का ४० बर्षीय दिल बहादुर श्रेष्ठ घाइते भएका भएका छन् ।

घाइते श्रेष्ठको गजुरी स्वास्थ्य चौकीमा सामान्य उपचार गरे पश्चात थप उपचारको लागि काठमाडौँ लगिएको ईलाका प्रहरी कार्यालय गजुरीले जनाएको छ । ट्रिपर चालकलाई भने प्रहरीले नियन्त्रणमा लिएको छ ।