दरियाल खोलामा मृत अवस्थामा फेला परे गजुरी–७ का अर्जुन श्रेष्ठ

धादिङ २३ जेष्ठ
केही दिन अघिबाट हराइरहेका गजुरी गाउँपालिका–७, धमेटोलका अजुर्न श्रेष्ठको शव फेला परेको छ । २४ वर्षीय श्रेष्ठको शव गजुरीस्थित दरियाल खोलामा पुरिएको अवस्थामा फेला परेको हो ।

दरियाल खोलाको किनारमा पुरिएको अवस्थामा भेटिएको शव प्रहरीका अनुसार जेष्ठ २० गते साँझ ८ बजे देखि हराई रहेका अर्जुन श्रेष्ठ भएको पुष्टि भएको जिल्ला प्रहरी कार्यालय धादिङका एसपी महेन्द्र खड्काले जानकारी दिनु भयो । हत्या गरेर पुरेको हुन सक्ने हुँदा अनुशन्धान अगाडि बढाईएको प्रहरीले जनाएको छ ।