संसद विघटनको विरुद्धमा जनता समाजवादी पार्टी धादिङको विज्ञप्ती

धादिङ २३ जेष्ठ
प्रधानमन्त्री केपी ओलीको सिफारिसमा राष्ट्रपति विद्या भण्डारीले गरेको दोस्रो प्रतिनिधि सभा विघटन विरुद्ध जनता समाजवादी पार्टी जिल्ला समन्वय समिति धादिङले विरोध जनाएको छ । आईतबार एक विज्ञप्ती जारी गर्दै जनता समाजवादी पार्टी धादिङका १३ वटै पालिका प्रमुखहरुले हस्ताक्षर गरी उक्त कदमको बिरोध जनाएका हुन् । विज्ञप्तमिा सरकारले गरेको प्रतिगामी कदमको घोर भत्र्सना गर्दै यस्ता कदमका विरुद्ध सबै नागरिकहरु एकजुट हुन आव्हान गरिएको छ ।

देश कोभिड–१९ को महामारीबाट आक्रान्त भैरहेको समयमा आफ्नो नागरिकको जीवन रक्षामा लाग्नुपर्ने सरकार एकपछि अर्को गरी घोर अलोकतान्त्रिक दिशामा अग्रसर भैरहेको विज्ञप्तीमा उल्लेख गरिएको छ । सरकारले कोरोना महामारीको समयमा आफ्नो देशका नागरिकलाई घरभित्र थुनेर आफू चाहि संवैधानिक सर्वोच्चता, कानुनी शासन प्रणाली, स्वतन्त्र न्यायलयलाई समेत धावा बोल्दै कमाउ धन्दामा व्यस्त रहेको विज्ञप्तीमा भनिएको छ ।