धादिङमा शनिबार १ सय ७१ जना संक्रमित निको हुँदा ८३ संक्रमित थपिए

धादिङ,२२ जेठ ।
धादिङमा पछिल्लो २४ घण्टामा १ सय ७१ जना कोरोना संक्रमित निको भएका छन् । यो सहित जिल्लामा कोरोना संक्रमण मुक्तहुनेको संख्या ३ हजार ५ सय ९४ पुगेको छ । यस्तै शनिबार थप ८३ जना कोरोना संक्रमित थपिएका छन् । थपिएका संक्रमितहरुमा निलकण्ठका ५६, गंगाजमुनाका १६, थाक्रेका ५ र त्रिपुरासुन्दरीका ६ गरि ८३ जना रहेको स्वास्थ्य कार्यालय धादिङले जनाएको छ ।
यो सहित जिल्लामा सक्रिय केशको संख्या १ हजार ४ सय ७६ पुगेको छ । संक्रमित मध्ये १३ सय ६ जना जिल्ला भित्र र १७० जना जिल्ला बाहिरका बिभिन्न आईशोलसनमा रहेका छन् । हालसम्म जिल्लाभर कोरोना संक्रमित हुनेको सङ्ख्या भने ४ हजार ७ सय ८३ पुगेको छ । शुक्रबार सिद्धलेक गाउँपालिकाका ९५ वर्षीय पुरुषको कोरोना संक्रमणका कारण मृत्य भएको छ । योसँगै संक्रमण बाट मृत्यु हुनेको संख्या ५५ पुगेको छ ।