धादिङमा बुधबार १ सय ६८ संक्रमित थपिए, एकको मृत्यु

धादिङ,१९ ज्येष्ठ ।

धादिङमा पछिल्लो २४ घण्टामा १ सय ६८ जना कोरोना संक्रमित थपिएका छन् । बुधबार थपिएका संक्रमितहरुमा निलकण्ठका ७, धुनीबेशीका २०, गल्छीका ६, गजुरीका ८, बेनिघाटका २, ज्वालामुखीका ५, त्रिपुरासुन्दरीका ३० , गंगाजमुनाका ४१, थाक्रेका १९ , सिद्धलेकका ४,रुवीभ्यालीका २०, नेत्रावतीका २,र पालिका नखुलेका ४ जना गरि १ सय ६८ जना रहेकोे स्वास्थ्य कार्यालय धादिङले जनाएको छ ।
यो सहित जिल्लामा सक्रिय केशको संख्या १ हजार ६ सय १३ पुगेको छ । संक्रमित मध्ये १४ सय ८३ जना जिल्ला भित्र र १३० जना जिल्ला बाहिरका विभिन्न आईशोलसनमा रहेका छन् । हालसम्म जिल्लाभर कोरोना संक्रमित हुनेको सङ्ख्या भने ४ हजार ५ सय ११ पुगेको छ ।

यस्तैगर आज मात्रै धादिङका १ सय २१ जना कोरोना संक्रमित संक्रमण मुक्त भएसँगै जिल्लामा संक्रमणमुक्त हुनेको सङ्ख्या ३ हजार १ सय १० पुगेको छ । बुधबार कोरोना संक्रमणका कारण सिद्धलेक गाउँपालिकाका ७९ वर्षीय पुरुषको मृत्यु भएको छ । योसँगै संक्रमण बाट मृत्युुहुनेको संख्या ५१ पुगेको छ ।