धादिङमा पछिल्लो २४ घण्टामा ८७ जना संक्रमण मुक्त, ८६ जना संक्रमित थपिए

धादिङ,१६ जेठ ।

धादिङमा पछिल्लो २४ घण्टामा थप ८६ जना कोरोना संक्रमित थपिएका छन् । थपिएका संक्रमितहरुमा निलकण्ठका ५२ , गल्छीका १० , त्रिपुरासुन्दरीका १४, गंगाजमुनाका ७ र नेत्रावती डबजोङका ३ जना गरि जिल्ला भित्रका ८६ जना रहेको स्वास्थ्य कार्यालय धादिङले जनाएको छ । आज थपिएका सहित जिल्लामा सक्रिय केशको संख्या १ हजार ४ सय ३७ पुगेको छ । संक्रमित मध्ये १३ सय ७ जना जिल्ला भित्र र १ सय ३० जना जिल्ला बाहिरका विभिन्न आईशोलसनमा रहेका छन् । हालसम्म जिल्लाभर कोरोना संक्रमित हुनेको सङ्ख्या भने ४ हजार ३ सय ६९ पुगेको छ ।

यस्तै आईतबार मात्रै धादिङका ८७ जना कोरोना संक्रमित निको भएसँगै जिल्लामा संक्रमणमुक्त हुनेको सङ्ख्या २ हजार ८ सय ८४ पुगेको छ । संक्रमणबाट जिल्लाका ४८ जनाले ज्यान गुमाएका छन् भने आज निलकण्ठमा १ सय ८७ र गजुरीमा १० गरी जिल्ला भित्र १ सय ९७ जनाको स्वाब संकलन गरिएको छ ।