धादिङमा एकैदिन १ सय २८ जना कोरोना संक्रमण मुक्त, १ सय ८४ संक्रमित थपिए

सुशिला विश्वकर्मा
धादिङ,१५ जेठ ।
धादिङमा पछिल्लो २४ घण्टामा थप १ सय ८४ जना कोरोना संक्रमित थपिएका छन् । थपिएका संक्रमितहरमा नीलकण्ठका ७८, धुनिबेसिका ५, गजुरीका ४, बेनिघाटका २७, त्रिपुरासुन्दरीका १६, गंगाजमुनाका ९, नेत्रवातीका ३६, सिद्धलेकका ६, रुवीभ्यालीका ३ जना गरि जिल्लाभित्र १ सय ८४ रहेको स्वास्थ्य कार्यालय धादिङले जनाएको छ । यो सहित जिल्लामा सक्रिय केशको संख्या १ हजार ४ सय ३८ पुगेको छ ।
संक्रमित भएका मध्ये १२ सय ७७ जना जिल्ला भित्र र १ सय ६१ जना जिल्ला बाहिरका विभिन्न आईशोलसनमा रहेका छन् । हालसम्म जिल्लाभर कोरोना संक्रमित हुनेको सङ्ख्या भने ४ हजार २ सय ८३ पुगेको छ ।
यस्तै शुक्रबार मात्रै धादिङका १ सय २८ जना कोरोना संक्रमित निको भएसँगै जिल्लामा संक्रमणमुक्त हुनेको सङ्ख्या २ हजार ७ सय ९७ पुगेको छ । संक्रमणबाट जिल्लाका ४८ जनाले ज्यान गुमाएका छन् । आज निलकण्ठमा २ सय ९१ र ज्वालामुखीमा १ सय ७१ गरि ४ सय ६२ जनाको स्वाब संकलन गरिएको छ ।