धादिङको सुनौलाबजार स्थित मैदानमा बोलेरो दुर्घटना हुँदा ४ जना घाईते

धादिङ,१२ जेठ ।

धादिङको नीलकण्ठ नगरपालिका वडा नम्बर ६ स्थित सुनौलाबजारको मैदानमा बोलेरो दुर्घटना हुँदा ४ जना घाईते भएका छन् । बुधबार सुनोला बजारबाट रिजालथोक तर्फ जाँदै गरेको ग १ च ५१२४ नम्बरको बोलेरे बोलेरो गाडी सडकबाट २ मिटर तल खसेर दुर्घटना भएको हो ।
दुर्घटनामा परि घाईते हुनेमा नीलकण्ठ नगरपालिका वडा नम्बर ४ बस्ने ७३ वर्षका कुलबहादुर मल्ल, वर्ष ३३ की सकुन्तला शाही, वर्ष २३ की सुजता मल्ल र बोलेरो चालक वर्ष ३८ का शम्भुनाथ रिजाल रहेका छन् । सामान्य घाईते भएका ४ जनाको सुनौला बजार स्वास्थ्य चौकीमा उपचार भईरहेको जिल्ला प्रहरी कार्यालय धादिङका प्रहरी नायव उपरिक्षक जागेश्वर भण्डारीले जानकारी दिनुभयो ।