धादिङवेसीको कभर्ड हल आइसोलेसन/क्वारेन्टाइनका रुपमा प्रयोग गरौँः अध्यक्ष तामाङ

धादिङ १२ जेष्ठ
जिल्ला खेलकुद विकास समिति धादिङले आफ्नो मातहत रहेको धादिङबेसी स्थित कभर्ड हल आवश्यक परेको अवस्थामा कोरोना सङ्क्रमित बिरामीहरुका लागि प्रयोग गर्न प्रदान गर्ने जानकारी दिएको छ ।

समितिका अध्यक्ष प्रताप सिं तामाङले कोरोना संक्रमितहरुका लागि क्वारेनटाइन वा आइसोलेसन वार्ड निर्माणका लागि कवर्ड हल प्रदान गर्दै आवश्यक अन्य सहयोग समेत गर्ने जानकारी दिनुभयो । यस्तै तामाङले कोरोना संक्रमण रोकथाम र न्यूनीकरणका लागि स्वास्थ्यकर्मी, सुरक्षाकर्मीहरुलाई थप स्वयंसेवकहरु आवश्यक परेमा खेलाडीहरुलाई परिचालन गर्न समेत आफू प्रतिबद्ध रहेको बताउनु भयो ।