धादिङमा मंगलबार थप ९२ जना कोरोना संक्रमित थपिए, ३ जनाको मृत्यु

धादिङ,११ जेठ ।
धादिङमा मंगलबार थप ९२ जना कोरोना संक्रमित थपिएका छन् । थपिएका संक्रमितहरुमा नीलकण्ठका ६०, गल्छीका ९, गजुरीका ५, त्रिपुरासुन्दरीका ६, नेत्रावतीका १०, खनियाबासका २ जना गरि ९२ जना रहेको स्वास्थ्य कार्यालय धादिङले जनाएको छ । जिल्ला भित्र ५९ र जिल्ला बाहिर २४ पोजिटिभ केश देखिएको छ ।
योसँगै जिल्लामा सक्रिय केशको संख्या १ हजार १ सय २९ पुगेको छ । हालसम्म जिल्लाभर कोरोना संक्रमित हुनेको सङ्ख्या भने ३ हजार ७०८ पुगेको छ ।
आज संक्रमणका कारण निलकण्ठका ७२ बर्षीय पुरुष, सिद्धलेकका ३५ वर्षीय पुरुष र नेत्रावतीका ४९ वर्षीय पुरुष गरि ३ जनाको मृत्यु भएको छ । योसँगै संक्रमण बाट मृत्यु हुनेको संख्या ४३ पुगेको छ । आज जिल्लाका ८८ संक्रमित संक्रमण मुक्त भएसँगै जिल्लाभर संक्रमण मूक्त हुनेको सङ्ख्या २ हजार ५ सय ३६ पुगेको छ । यस्तै धुनिबेसिमा २६ र थाक्रेमा ६ गरि आज ३२ स्वाब संकलन भएको छ ।