धादिङमा सोमबार थप ८३ जना कोरोना संक्रमित थपिए, ४१ जना संक्रमण मुक्त

धादिङ,१० जेष्ठ ।
धादिङमा सोमबार थप ८३ जना कोरोना संक्रमित थपिएका छन् । थपिएका संक्रमितहरुमा निलकण्ठका ५, धुनिबेसीका २६, गल्छीका ४, गजुरीका १, ज्वालामुखीका ३, त्रिपुरासुन्दरीका ६, गंगाजमुनाका ५ जना रहेकोे स्वास्थ्य कार्यालय धादिङले जनाएको छ । थाक्रेका ३, सिद्धलेकका १७, रुवीभ्यालीका २, धादिङ अस्पतालमा ५ र पालिका नखुलेका ६ जना गरी जिल्लामा ८३ पोजिटिभ केश देखिएको हो । सोमबार जिल्ला भित्र ५९ र जिल्ला बाहिर २४ पोजिटिभ केश देखिएको छ । योसँगै जिल्लामा सक्रिय केशको संख्या १ हजार १ सय २६ पुगेको छ ।
यस्तै हालसम्म जिल्लाभर कोरोना संक्रमित हुनेको सङ्ख्या भने ३ हजार ६ सय १५ पुगेको छ । अहिले सम्म कोरोना संक्रमणका कारण मृत्यु हुनेको संख्या ४० पुगेको छ । सोमबार मात्रै जिल्लाका ४१ संक्रमित संक्रमण मुक्त भएसँगै जिल्लाभर संक्रमण मूक्त हुनेको सङ्ख्या २ हजार ४ सय ४९ पुगेको छ भने जिल्ला भित्र २०८ स्वाब संकलन भएको छ ।