धादिङमा आईतबार १ सय २९ जना कोरोना संक्रमित थपिए , ३५ जना संक्रमण मुक्त 

धादिङ,०९ जेठ ।
धादिङमा आईतबार थप १ सय २९ जना कोरोना संक्रमित थपिएका छन् । थपिएका संक्रमितहरुमा निलकण्ठका १, धुनिबेसीका २, गल्छीका ७, गजुरीका ११,बेनिघाट रोराङका ६१, ज्वालामुखीका ४४, त्रिपुरासुन्दरीका १ र थाक्रेका २ जना रहेको स्वास्थ्य कार्यालय धादिङले जनाएको छ । अहिले धादिङमा १ सय २९ पोजिटिभ केश देखिएको छ । आईतबार जिल्ला भित्र १ सय २२ र जिल्ला बाहिर ७ पोजिटिभ केश देखिएको छ ।
योसँगै जिल्लामा सक्रिय केश १ हजार ८४ पुगेको छ । संक्रमित मध्ये ९ सय ५७ जना जिल्ला भित्र र १२७ जना जिल्ला बाहिरका विभिन्न आईशोलसनमा रहेका छन् । यस्तै संक्रमणका कारण मृत्यु हुनेको संख्या ४० पुगेको छ । आईतबार जिल्लाका ३५ संक्रमित संक्रमण मुक्त भएसँगै जिल्लाभर संक्रमण मूक्त हुनेको सङ्ख्या २ हजार ४०८ पुगेको छ । आज आज नेत्रवातिमा १३५ र रुवीभ्यालिमा १०६ गरी जिल्लाभित्र २४१ स्वाब संकलन भएको छ ।