धादिङमा आज एकैदिन ९३ जना कोरोना संक्रमण मुक्त ,३५ जनामा संक्रमण पुष्टि

धादिङ,०७ जेठ ।
धादिङमा शुक्रबार थप ३५ जना कोरोना संक्रमित थपिएका छन् । संक्रमित हुनेहरुमा नीलकण्ठका १, धुनीबेशीका १, गल्छीका ११, गजुरीका ७, बेनिघाट रोराङका १ जना रहेको स्वास्थ्य कार्यालय धादिङले जनाएको छ । यस्तै ज्वालामुखीका १, नेत्रावतीका ९, थाक्रेका १ र पालिका नखुलेका २ जना गरी कुल ३५ जनामा संक्रमण पुष्टि भएको हो । शुक्रबार जिल्ला भित्र २९ र जिल्ला बाहिर ६ पोजिटिभ केश देखिएको छ । योसँगै जिल्लामा सक्रिय केशको संख्या ८ सय ५९ पुगेको छ ।
यस्तै हालसम्म जिल्लाभर कोरोना संक्रमित हुनेको सङ्ख्या भने ३ हजार २ सय ३३ पुगेको छ । आज धादिङमा संक्रमण बाट गंगाजमुनाका १ जनाको मृत्यु भएको छ । योसंगै जिल्लामा संक्रमण बाट मृत्यु हुनेको संख्या ३७ पुगेको छ । शुक्रबार एकैदिन जिल्लाका ९३ संक्रमित संक्रमण मुक्त भएसँगै जिल्लाभर संक्रमण मूक्त हुनेको सङ्ख्या २ हजार ३ सय ३७ पुगेको छ । त्यस्तै आज धादिङ्ग हस्पिटलमा ५३, थाक्रेमा ४३, सिद्धलेक मा ३४, गजुरीमा ४२ र धुनिबेसिमा ३ गरेर जिल्ला भित्र १७५ स्वाब संकलन भएको छ ।