गजुरी स्थित चालिसेको पानी टयाङकीमा बालकको मृत्यु

धादिङ,०१ जेष्ठ ।
धादिङको गजुरी गाउँपालिकाका वडा नम्बर २ स्थित चालीसेको पानी टयाङकीमा एक बालकको मृत्यु भएको छ । शनिबार बिहानी पेट्रोल पम्प नजिकै रहेको अन्डरग्राउण्डमा निमार्णधिन पानी टयाङकीमा डुबेर गजुरी गाउँपालिका वडा नम्बर २ का साढे दुई वर्षीय प्रवेश थापाको मृत्यु भएको ईलाका प्रहरी कार्यालय गजुरीका प्रमुख प्रहरी नायब उपरिक्षक युवराज खड्काले जानकारी दिनुभयो । मृतक बालकको पोष्टमार्टमको लागि जिल्ला अस्पताल धादिङ ल्याईएको छ ।