खनियाबासको शिङगला देवी मा.वि मा अज्ञात समुहद्धारा आगजनी

धादिङ,२० बैशाख ।
उत्तरी धादिङको खनियाबास गाउँपालिकामा रहेको शिङगला देवी माध्यामिक विद्यालयमा आईतबार राती अज्ञात समुहले आगजनी गरेको छ । आगलागी बाट दुई कोठे अफिस कोठा र पुस्तकालयमा क्षेति पुगेको छ । कोठाको झ्याल तोडि पेट्रोल छर्किएर गरिएको उक्त आगलागीबाट पुस्तकालय भवन, पुस्तकालयको सबै पुस्तकहरु, अफिस कोठा भित्र रहेको दुईवटा दराज, टेबल, कुर्सी लगाएत महात्वपूर्ण कागजातहरु ५ थान कम्प्युटर र एक थान वाइफाइ राउटरमा क्षति भएको छ । खनियावास गाउँपालिकामा यो घटना भने नयाँ होईन, ५ महिना अघि मात्र स्वास्थ्यकर्मी फिलिप तामाङको मेडिकल समेत जलाइएको थियो । सो घटनाबारे थप अनुसन्धान र मुजुल्का उठाउन डुन्डुरे अस्थाई प्रहरी पोस्टबाट प्रहरी घटना स्थल पुगि सकेको विद्यालयका प्रधानाध्यापक बिमल लामा लोप्चनले जानकारी दिनुभयो । आगलागीबाट शैक्षिक समाग्री, भौतिक सामाग्री र बिद्यालय भवन गरेर ३५ लाख बराबरको क्षती भएको छ ।