शनिबार धादिङमा विद्युत सेवा अवरुद्ध हुँदै(सूचना सहित)

धादिङ १७ वैशाख
शनिबार धादिङ जिल्लाका विभिन्न स्थानमा विद्युत सेवा अवरुद्ध हुने भएको छ । नेपाल विद्युत प्राधिकरण देविघाट सबस्टेशनबाट धादिङ वितरण केन्द्रको धादिङबेसी, झहरे र सल्यानटार आएको ३३ केभि प्रशारण लाइनमा बुस कटिङ कार्य गर्न लागिएको हुँदा विद्युत अवरुद्ध हुन लागेको नेपाल विद्युत प्राधिकरण धादिङ वितरण केन्द्रले सूचना जारी गरेको छ ।

बिहान ७ः३० देखि साँझ ५ः०० बजेसम्म जिल्लाको नीलकण्ठ नगरपालिका, ज्वालामूखी, सिद्धलेक, गंगाजमुना, नेत्रावती डबजोङ, बेनिघाट रोराङ, गल्छी, थाक्रे, गजुरी र त्रिपुरासुन्दरी गाउँपालिका तथा आरुघाट बजार क्षेत्रमा विद्युत अवरुद्ध हुने सूचनामा उल्लेख गरिएको छ ।