नेत्रावती डबजोङ–४ का १४ जनामा कोरोना पुष्टी, सङ्क्रमित अधिकाशं स्कुले बालबालिका

धादिङ १० वैशाख
धादिङको नेत्रावती डबजोङ गाउँपालिका वडा नं. ४ का १४ जनामा कोरोना सङ्क्रमण पुष्टी भएको छ । १६ जनामा गरिएको स्वाव परीक्षणका क्रममा १४ जनामा सङ्क्रमण पुष्टी भएको गाउँपालिकाका स्वास्थ्य संयोजक कृष्ण बहादुर पौडेलले जानकारी दिनुभयो । सङ्क्रमितहरुमा अधिकांश विद्यार्थीहरु र केही जनप्रतिनिधि समेत रहेको पौडेलले जानकारी दिनुभयो ।

यो सहित शुक्रबार मात्र जिल्लामा २२ जनामो कोरोना पुष्टी भएको छ । यो सँगै जिल्लामा सक्रिय सङ्क्रमितको संख्या ५१ पुगेको छ । यससँगै जिल्लाभर हालसम्म कोरोना संक्रमित हुनेको सङ्ख्या भने १ हजार ५ सय ९७ पुगेको छ । संक्रमणबाट जिल्लाका १७ जनाले ज्यान गुमाईसेका छन् ।