धादिङमा आईतबार थप एक जनामा कोरोना पुष्टि 

धादिङ,०५ बैशाख ।
धादिङमा आईतबार थप एक जनामा कोरोना संक्रमण पुष्टि भएको छ । थप पुष्टि हुनेमा थाक्रे गाउँपालिकाका २९ बर्षिय पुरुष रहेको स्वास्थ्य कार्यालय धादिङले जनाएको छ । यो सँगै धादिङमा सक्रिय केशको संख्या १८ पुगेको छ । सबै संक्रमितहरु जिल्ला बाहिरका बिभिन्न आईशोलसनमा रहेका छन् । यससँगै जिल्लाभर हालसम्म कोरोना संक्रमित हुनेको सङ्ख्या भने १ हजार ५ सय ५९ पुगेको छ । जम्मा संक्रमित मध्ये ९ सय २० जनाको धादिङमा स्वाव संकलन गरि परिक्षणको लागि पठाईएको र बाँकी ६ सय ३९ जनाको भने जिल्ला बाहिर गएर स्वाव परिक्षण गराउँदा पोजेटिभ देखिएको स्वास्थ्य कार्यालय धादिङले जनाएको हो । संक्रमणबाट १७ जनाले ज्यान गुमाईसकेका छन् ।