नेकपा(माओवादी केन्द्र) धादिङ पोखरा जनसम्पर्क मञ्चको शुभकामना आदान प्रदान तथा भित्रेपात्रो बिमोचन कार्यक्रम सम्पन्न

धादिङ ०४ वैशाख
नेकपा(माओवादी केन्द्र) धादिङ पोखरा जनसम्पर्क मञ्चको नयाँ वर्ष २०७८ सालको शुभकामना आदान प्रदान तथा क्यालेन्डर विमोचन कार्यक्रम शनिबार पोखरामा सम्पन्न भएको छ । मञ्चका अध्यक्ष रमेश बहादुर सिंखडाको अध्यक्षतामा भएको कार्यक्रममा नेकपा(माओवादी केन्द्र) धादिङका अध्यक्ष विजय बुर्लाकोटीको प्रमुख आतिथ्यता, पार्टीका प्रदेश कमिटी सदस्य एवं नीलकण्ठ नगरपालिकाका उप प्रमुख मनराज भण्डारी र पार्टी प्रदेश कमिटी सदस्य कृष्ण गिरीको विशेष आतिथ्यतामा सम्पन्न भएको हो ।

कार्यक्रमका प्रमुख अतिथि तथा विशेष अतिथिहरुले देशको वदलिदो राजनीति र पार्टीको आगामी कार्यदिशाको बारेमा सहभागीहरुलाई प्रशिक्षित गर्नुभएको थियो ।

कार्यक्रममा धादिङ जिल्ला स्थायी घर भइ पोखराका विभिन्न स्थानमा व्यापार व्यवसाय र तथा जीविकोपार्जन गर्दै आएका नेकपा(माओवादी केन्द्र) निकट नेता कार्यकर्ताहरुको उल्लेख्य सहभागिता रहेको थियो ।