नीलकण्ठ–९ धादिङमा शुक्रबारे हाटबजार मेला सुरु

धादिङ वैशाख ३
धादिङको नीलकण्ठ नगरपालिका वडा नम्बर ९ मा शुक्रबारे हाटबजार मेला सुरु भएको छ । शुक्रबार नीलकण्ठ नगरपालिकाका उपप्रमुख मनराज भण्डारीले मेलाको उद्घाटन गर्नुभएको हो । स्थानीय उत्पादनलाई प्रर्बद्धन गर्दै वजारीकरण गर्ने उद्देश्यका साथसुरुवात गरिएको हाट बजार मेला उद्घाटन कार्यक्रममा वडा नम्बर ९ का अध्यक्ष भोज बहादुर रेग्मीको अध्यक्षता, नीलकण्ठ नगरपालिकाका उपप्रमुख मनराज भण्डारीको प्रमुख आतिथ्यता रहेको थियो ।

उक्त कार्यक्रमलाई संबोधन गर्दै उपप्रमुख भण्डारीले हाट बजार मेला सुरु गरिएकोमा वडालाई धन्यवाद दिदै मेलाको निरन्तरताका लागि व्यवस्थापकीय पाटोमा ध्यान दिन आग्रह गर्नुभयो । साथै यस्ता खाले मेलाले स्थानीय उत्पादनहरु बजारसम्म पुग्ने र कृषकहरुको आयआर्जनमा वृद्धि हुने भएकाले नगरपालिकाको तर्फबाट आवश्यक सहयोग गर्ने प्रतिबद्धता समेत जनाउनु भयो ।

मेलामा स्थानीय स्तरमा उत्पादित तरकारी, खाद्यान्नहरुको प्रदर्शनीका साथै विक्रि वितरण गरिएको थियो ।