नीलकण्ठ–८, कमेरेमा मोटरसाइकल दुर्घटना, २ जनाको अवस्था गम्भीर

धादिङ ०१ वैशाख
धादिङको नीलकण्ठ नगरपालिका वडा नं–८ स्थित कमेरेडाँडाँमा दुई मोटरसाइकल एकापसमा ठक्कर खाँदा तिन जना घाइते भएका छन् । बुधबार दिउँसो करिब ४ः३० बजे धादिङबेशीबाट मलेखुतर्फ जाँदै गरेको बा ६२ प २३ नम्बरको मोटरसाईकल र कालीदहबाट धादिङबेशीतर्फ आउदैँ गरेको बा ७८ प ७३८५ नम्बरको मोटरसाईकल एक आपसमा ठक्कर खाँदा तिन जना घाइते भएका हुन ।

घाइते हुनेमा सप्तरीको बिष्णुपुर गाउँपालिका घर भई हाल धादिङबेशी बस्दै आएका ७३८५ नम्बरको मोटरसाईकल चालक बर्ष १९ को मधि पुल्का, सोही मोटरसाइकलको पछाडि सवार सोही ठाउँका बर्ष ३० का यम महमत यहवशान र पर्साको उदयपुर घुल्मी गाउँपालिकाको बर्ष २२ का बिचारी पासवान रहेको जिल्ला प्रहरी कार्यालय धादिङका सुचना अधिकारी जागेश्वर भण्डारीले जानकारी दिनुभयो ।

घाइतेमध्ये २ जनाको अवस्था गम्भीर भएकाले काठमाडौँ रेफर गरिएको छ । सामान्य घाइते १ जनाको जिल्ला अस्पताल धादिङमा उपचार भैरहेको प्रहरीले जानकारी दिएको छ ।