नयाँ वर्षको अवसरमा ज्वालामुखी सातोबाटोका ७९ जनाले गरे रक्तदान

धादिङ,०१ बैशाख ।
नयाँ वर्ष २०७८ सालको अवसरमा ज्वालामुखी गाउँपालिका वडा नम्बर २ स्थित सातदोबाटोमा रक्तदान कार्यक्रम सम्पन्न भएको छ । बुधबार स्वस्तिक बचत तथा ऋण सहकारी संस्था लिमिटेड र नेपाल रेडक्रस सोसाईटी मैदी उपशाखा धादिङले आयोजना गरेको रक्तदान कार्यक्रममा १६ जना महिला र ६३ जना पुरुष गरि जम्मा ७९ जनाले रक्तदान गरेको नेपाल रेडक्रस सोसाईटी धादिङ शाखाका उपमन्त्री नारायण कुमार श्रेष्ठले जानकारी दिनुभयो । नमुना महिला बचत तथा ऋण सहकारी संस्था लिमिटेडको सहयोग, नेपाल रेडक्रस सोसाईटी रक्त सञ्चार सेवा केन्द्र धादिङको प्राविधिक सहयोग रहेको थियो । नेपाल रेडक्रस सोसाईटी रक्त सञ्चार सेवा केन्द्र धादिङले कोभिड १९ द्धारा सिर्जत चरम रगतको अभावलाई न्युनिकरण गर्ने उद्धेश्यले हरेक मेला महोत्सवहरुमा रक्तदान कार्यक्रम संचालन गर्दै आएको छ ।