अखिल नेपाल महिला संघ क्रान्तिकारी धादिङको ४५ सदस्यीय सम्मेलन आयोजक समिति निर्माण

धादिङ २८ चैत्र

संगीता कंडेलको संयोजकत्वमा अखिल नेपाल महिला संघ क्रान्तिकारी धादिङको ४५ सदस्यीय सम्मेलन आयोजक समिति निर्माण भएको छ । शनिबार धादिङबेसीमा अखिल नेपाल महिला संघ क्रान्तिकारीको केन्दीय उपाध्यक्ष विमला सुवेदीको प्रमुख आतिथ्यतामा बसेको भेलाले सो निर्णय गरेको हो ।

भेलालाई संबोधन गर्दै उपाध्यक्ष सुवेदीले जनयुद्ध, जनओन्दोलनको क्रममा महिलाहरुले गरेको योगदानले नै मुलुकमा परिवर्तन संभव भएको बताउनु भयो । यस्तै बागमती नेकपा माओवादी केन्द्रका नेता सालिकराम जम्कट्टेलले मुलुकको आमूल परिवर्तनमा महिलाहरुको भूमिका उच्च रहेको बताउँदै अधिकार प्राप्तिका लागि संर्घष गर्न आग्रह गर्नुभयो ।