निःशुल्क शिक्षाको माग गर्दै दलित संघर्ष समितिद्धारा बाजागाजा सहित बिरोध

धादिङ,२७ चैत
दलित संघर्ष समिति धादिङले एक हप्तादेखि सुरु गर्दै आएको १२ बुदे माग सहितको शान्तिपूर्ण धर्ना शुक्रबार बाजागाजा सहित सम्पन्न गरेको छ । १२ कक्षासम्म निःशुल्क शिक्षा, विकास निर्माणमा सम्मानजनक अधिकार सहित पिछडिएका दलित, गरिब, विपन्न वर्गलाई राज्यले दिएको अधिकारको लगायतका मद्दाहरुको नीलकण्ठ माध्यमिक विद्यालय र नीलकण्ठ नगरपालिकाले अझैसम्म पनि समन्वय र कार्यान्वयन नगरेको भन्दै समितिले एक हप्तादेखि नगरपालिकामा धर्ना गर्दै आएको थियो ।

नीलकण्ठ माध्यमिक विद्यालयका दलित विद्यार्थीहरुले सुरु गरेको उक्त आन्दोलनमा नगरपालिकाभित्रका सबै वडाका दलित समुदायको उल्लेख्य सहभागिता रहेको थियो । धर्ना कार्यक्रममा सहभागिहरुले अझै पनि मागको सुनुवाई नभए आन्दोलनलाई थप शसक्त बनाउने बताएका छन् ।