वैशाख ९ देखि ११ गतेसम्म जिल्ला स्तरीय राष्ट्रपति रनिङ सिल्ड प्रतियोगिता हुदै

धादिङ २६ चैत्र
यही बैशाख ९ गतेदेखि ११ गतेसम्म धादिङ जिल्ला स्तरीय राष्ट्रपति रनिङ सिल्ड प्रतियोगिता हुने भएको छ । चन्द्रोदय माध्यमिक विद्यालय विशालटारको व्यवस्थापनमा हुन लागेको प्रतियोगितामा छात्र तथा छात्रातर्फ एथ्लेटिक्स, भलिबल, कबड्डी, तेक्वान्दो र कराते लगायतका ९६ पदकका लागि प्रतिस्पर्धा हुने जिल्ला खेलकुद विकास समिति धादिङका अध्यक्ष प्रताप तामाङले जानकारी दिनुभयो ।

चन्द्रोदय माध्यमिक विद्यालय विशालटारको व्यवस्थापनमा हुन लागको प्रतियोगिता जिल्ला खेलकुद विकास समिति धादिङले आयोजना गर्न लागेको हो । नियमित अध्ययन गर्ने कक्षा १२ सम्मका १८ वर्ष मुनिका विद्यार्थीहरु सहभागी हुन पाउने प्रतियोगिताको बिजेताले प्रदेश स्तरीय प्रतियोगितामा सहभागिता जनाउन पाउने छन् भने प्रदेशमा विजयी खेलाडीले राष्ट्रिय स्तरको प्रतियोगितमा सहभागिता जनाउन पाउने छन् ।

जिल्ला स्तरीय प्रतियोगिताको लागि जिल्लाका १३ वटै स्थानीय तहबाट छनौट भएर आएका खेलाडीहरुलाई सहभागी गराइने समितिका अध्यक्ष तामाङले बताउनु भयो ।