युवा रेडक्रस सर्कल नेत्रावतीमा गोविन्द थपलिया

धादिङ जेष्ठ २१
नेत्रावती क्याम्पस त्रिपुरा सुन्दरी ७ खहरे धादिङमा युवा रेडक्रस सर्कल पुर्नगठन गरिएको छ । नेपाल रेडक्रस सोसाइटी जिल्ला शाखा धादिङका सदस्य नारायण कुमार श्रेष्ठको विशेष उपस्थितिमा युवा रेडक्रस सर्कल पुर्नगठन गरिएको हो । गोविन्द थपलियाको अध्यक्षतामा पुर्न गठित सर्कलमा ११ सदस्यीय नयाँ समिति बनेको छ । जसको उपाध्यक्षमा सविता तिमल्सिना, सचिवमा रेखा ढकाल, सहसचिवमा सुनिता सापकोटा, कोषाध्यक्षमा शिव थापा र सहकोषाध्यक्षमा सन्तोषी तिमल्सिना रहनुभएको छ । यस्तै सर्कलको संरक्षकमा अशोक कुमार अधिकारी, प्राध्यापक नायकमा डिल्लीराम खनाल र सह नायकमा अनिल गौली रहनुभएको छ । सर्कलले विभिन्न सामाजिक गतिविधि र सरसफाइ, जनचेतनामूलक कार्यक्रमहरु गर्ने सर्कलका अध्यक्ष थपलियाले बताउनु भयो ।